Централната банка на Австралија ја зголеми денес прогнозата за економскиот раст на земјата за оваа година поради слабеењето на националната валута и ниските каматни стапки кои ја поттикнуваат потрошувачката, но предупреди за инфлацијата и за понатамошниот раст на невработеноста.
Во соопштението на централната банка, Банката за парични резерви на Австралија (РБА), се наведува дека економијата на Австралија во оваа година ќе оствари раст од околу 2,25 и 3,25 проценти, што е благо над прогнозираниот раст на РБА од ноември од два на три проценти, пренесува агенцијата Франс прес.
Што се однесува на изгледите за наредната година, РБА очекува значителен пад на инвестициите во рударскиот сектор.