Министерот за економија Ваљон Сараќини заедно со претставници на неколку деловни субјекти, ќе го посети Универзитетот на Југоисточна Европа во Скопје, при што ќе оствари средба со ректорот Замир Дика.
Целта на посетата е да се промовираат мерките за младите претприемачи кои можат да ги користат и студентите, за кои јавните повици се веќе објавени.
Посетата ќе биде прва од низата промотивни средби по факултетите во Република Македонија со цел да се запознаат студентите со начините за поддршка кои ги дава Министерството за економија за развој на претприемништвото преку своите програми.