Јапонската електронска компанија „Sony“ е во преговори со еден јапонски инвестициски фонд околу продажбата на своето одделение за „PC“ компјутери. Ова е дел од пошироката програма за реструктуирање на работењето на оваа компанија.
Според пишувањето на јапонскиот економски дневник „Nikei“, „Sony“ сака своето одделение да го продаде на фондот „Japan Industrial Рartners“ за сума помеѓу 40 и 50 милијарди јени (396 милиони долари), пренесува „Франс Прес“.
Овој фонд би требало да основа нова компанија која ќе продолжи со продажбата на „PC“ компјутери и лаптопи под брендот „VAIO“, a во која „Sony“ ќе има само мал удел, додава „Nikei“.
Како што истакнуваат јапонските медиуми, „Sony“ во првите девет месеци од минатата година имал само 1.9 проценти удел на светскиот пазар на „PC“ компјутери.
