Швајцарската банка „UBS“, која е во средина на процесот на реорганизација на своите активности, објави дека има направено голем пресврт и се врати на патот на добивка.
Нето-профитот на „UBS“ за минатата година изнесуваше 3.2 милијарди франци (2.5 милијарди евра) во споредба со загубата од 2.4 милијарди франци од 2012-та година.
Минатогодишниот резултат е значително подобар во однос на 2012-та година, кога банката мораше да плати казна на регулаторните власти поради учеството во меѓународниот скандал околу местењето на меѓубанкарската каматна стапка „Libor“.
За добрите резултати исто така допринесе и реорганизацијата во работењето, која банката ја најави уште во октомври 2012-та година.
