Денес „Facebook“ наполни 10 години од своето основање. За официјалниот почеток на својата компанијата Марк Цукерберг го смета пуштањето во употреба на сајтот „thefacebook.com“.
Реално претходникот на „Facebook“ е „Facemash“, кој се појавува на 28-ми октомври 2003-та година. Неговата идеја сепак е поинаква, бидејќи ги покажува сликите од студентите на Харвард, каде што студирал и самиот Цукерберг, и претставува своевидна анкета кои момци и девојки се привлечни и кои не.
Во јануари 2004-та година Цукерберг одлучи да промени концептот на веб страната, поради тогашните проблеми со раководството на Хардвард. Новата идеја е „TheFacebook“ да биде место за креирање и одржување на контакти меѓу студентите на престижниот универзитет. Првично неговата идеа покажува голем интерес. За првите 24 часа по обелоденувањето на проектот, „TheFacebook“ добива меѓу 1200 и 1500 регистрации.
Во март 2004-та година „TheFacebook“ започнува да прима и регистрации од универзитетите во Стенфорд, Колумбија и Јеил. Постепено сајтот станува студентска мрежа за повеќето Универзитети во Канада и САД. Успехот го натера Цукерберг да размислат за поголем развој на својата страница.
Во јуни 2004-та година, тој го напушта Харвард и се пресели во Пало Алто, Калифорнија. Во летото на истата година, „Facebook“ се претвора во вистинска компанија.
Бизнис постигнување.
Во 2005-та година компанијата го купува доменот „facebook.com“ за 200 илјади долари и така го отстранува „the“ од своето име. Интересот на „Facebook“ се уште е кон универзитети и повеќето училишта, но на крајот на годината дозволено членство и на вработените на големи компании како „Apple“ и „Microsoft“, како и на институции од други земји во светот.
Интересот на луѓето кон социјалната мрежа не престанува да расте и на 26-ти септември 2006-та година, таа тврди дека веќе е отворена за сите над 13 -годишна возраст со валидна „e-mail“ адреса. Од тука почнува и вртоглавиот раст на компанијата, па така таа достигна 100 милиони корисници на 26-ти август 2008-та година.
Првите 500 милиони активни корисници се постигнуваат на 21-ви јули 2010-та година, а 1 милијарда активни регистрации компанијата ги забележува на 4-ти октомври 2012-та година. Денес оваа бројка изнесува нешто над 1.2 милијарди корисници.
Во првите години од своето постоење компанијата се потпира на инвеститори. Меѓу нив спаѓа и „Microsoft“, кој располага со 1,6 % удел од компанијата во вредност од 240 милиони долари до 2007-та година. Во 2009-та година „Facebook“ најави дека веќе работи со профит.
Развојот на социјалната мрежа продолжува и на 1-ви февруари 2012-та година, таа поднесе документи за излегување на берзата како јавна компанија. Самото тргување на акциите започнува на 18-ти мај истата година.
Мали падови за големиот подем.
Се разбира, не сето тоа оди глатко и според планот. Во текот на неколку години инвеститорот Пол Сеглија води дело против Цукерберг, во кое тврди дека тој мора да е реален сопственик на социјалната мрежа. На крајот Сеглија беше обвинет за фалсификување документи и судот ги отфрли неговите обвиненија кон Цукерберг.
Во годините основачот на „Facebook“ неколкупати се сретнал со незадоволни соработници или љубопитни новинари. Понекогаш дури е преминет и законот во обидот да се најдат повеќе информации без нивно знаење.
Денес веќе се дефинира како позрел и скромен, кој посветува поголемо внимание за благородни цели и добротворни цели. Се разбира, не го губи и талентот кон бизнисот и веќе има подготвен план за развојот на социјалната мрежа за следните 10 години.
