Новата, трета генерација на „Audi TT“ според претходните најави премиера ќе има на почетокот на оваа година (на саемот во Женева), додека следната година ќе се појави и неговата „Roadster“ верзија. Додека да се случи тоа, еве и нови компјутерски цртежи кои покажуваат каков ќе биде неговиот изглед.
Новиот „TT“ ќе биде направен на „MQB“ платформата на „Volkswagen“, ќе има поширока ширина на тркалата и подобар распоред на тежината во однос на актуелниот модел, додека димензиите нема значително да се менуваат.
Се најавува и намалување на тежината (дo 100 kg, благодарејќи на зголемената употреба на алуминиум), подобрени возни карактеристики, зголемена безбедност, богата опрема и помала потрошувачка на гориво, а ќе постојат и верзии со само преден погон и погон на сите четири тркала.
Изгледот на предниот дел на „ТТ“ ќе биде инспириран од новите модели на овој производител (како неодамна претставениот „Allroad Shooting Brake Concept“), a што се однесува до моторот, еден сигурно ќе биде 2.0-литарски турбо бензинец со околу 220KS.
Се очекува исто така и бензинскиот модел 1.8 TFSI со 180KS, потоа „Audi TTS“ со 280KS, пa „Audi TT“ со 2.0 TDI дизел од околу 190KS, како и спортски „TT-RS“ со 2.5 литарски TFSI од 380 „коња“.
Уште претходно беа објавени фотографии од внатрешноста која во „PR“ соопштението беше опишана како спортска и свртена кон возачот, а има и „виртуелен кокпит“ кој ја комбинира инструмент таблата и инфо-системот во една единица. 12.3-инчниот „TFT“ екран има два различни начини на употреба – класичен изглед, со што се елиминира потребата за секундарен инфо екран.
Во внатрешноста исто така се истакнува воланот со срамнет долен дел, алуминиумски детали, ревидирана централна конзола и „S“ спортски седишта.
