Здравје „Радово“ ќе го освојува пазарот со нов производ од гамата јогурти. Моментално нивниот пазарен удел е 14 проценти и планираат двојно да го зголемат.
Маркетинг менаџерот Павел Павловски, промовирајќи го новиот јогурт на Здравје Радово, рече дека тој претставува надополнување на веќе постоечки бренд кој е добро етаблиран и се продава добро. Целта, како што рече, е за да се засили брендот.
Појасни дека новиот јогурт е во старото пакување, со минимално изменет вкус, а за да има масовна дегустација и за да се уверат во квалитетот потрошувачите ќе биде со промотивна цена меѓу 42 и 47 денари.
Павловски истакна дека имаат огромно количество суровина, што значи дека најголемите фарми и најголем број кооперанти соработуваат со млекарата. Тој додаде дека сега имаат околу 100 илјади литри на ден суровина, а годинава очекуваат да стигнат до 150 илјади литри прием.
