Дали некогаш сте слушнале за компaниите „Jingdong“, „Nutanix“ или „Zalando“ – сите овие се членки на ексклузивниот клuб „Billion-Dollar Startup Club“, растечка листа на стартап компании чија вредност надминува една милијарда долари.
Најновиот интерактивен графикон на „The Wall Street Journal“ ги рангира овие милијардерски стартап компании користејќи податоци од „Dow Jones Venture Source“ сервисот.
Сепак, според податоците на овој сервис кој ги вреднува компаниите кои делумно се финансирани од страна на инвестициските фондови, повеќето од нив на листата вредат повеќе од две милијарди долари, а само од ноември во овој клуб се придружиле три компании „Stripe“(онлајн сервис за плаќање), „Snapchat“ (платформа за онлајн разговори), додека „Spotify“ (сервис за слушање музика преку интернет) и „Box i Dropbox“ (компании за чување на податоци) ги зголемиле своите вредности на над милијарда долари.
Многу брокери и понатаму се внимателни во поглед на вреднувањата на стартап компаниите, секогаш потсетуваат на сеуште свежите „рани“ од 2000 година и дот-ком кризата, но финансиските податоци покажуваат дека овие стартап компани се во одлична финансиска позиција. „Snapchat“ и „Pinterest“ уште пред почетокот на финансирањето од страна на инвестициските фондови, заработуваа пари, додека инвеститорите ги израдува фактот дека „Dropbox“ минатата година оствари продажба во вредност од 200 милиони долари.
Според податоците на „VentureSource“, на листата се наоѓаат 25 американски стартап компании, многу повеќе отколку за време на кризата од 1999 до 2000 година.
На листата на кинеските стартап компании, доминираат онлајн компаниите, како што се онлајн продавниците „Jingdong“ и „VANCL“, пребарувачот „Sogou“ и сајтот за оценување на ресторани „Dianping“. Сепак, број еден е „Xiaomi“, највредната стартап компанија во светот со 10 милијарди долари капитал, инаку производител на паметни телефони.
На листата на европски стартап компании, доминира „Zalando“, германска онлајн продавница со 5 милијарди долари, следат „Spotify“ и „Mobileye“, производител на автомобилски системи за предупредување при можност за несреќи.
Dropbox (10 милијарди долари )
Xiaomi (10 милијарди долари)
Palantir (9 милијарди долари)
Jingdong (7.3 милијарди долари)
Zalando (4.9 милијарди долари)
SpaceX (4.8 милијарди долари)
Spotify (4.0 милијарди долари)
Pinterest (3.8 милијарди долари)
Uber (3.8 милијарди долари)
Square (3.3 милијарди долари)
VANCL (3 милијарди долари)
Bloom (2.9 милијарди долари)
Airbnb (2.5 милијарди долари)
Woodman Labs (2.3 милијарди долари)
Snapchat (2 милијарди долари)
Trendy Group (2 милијарди долари)
Box (2 милијарди долари)
Stripe (1.8 милијарди долари)
Mobileye (1.5 милијарди долари)
Legendary Entertainment (1.5 милијарди долари )
Jawbone (1.5 милијарди долари)
Fanatics (1.5 милијарди долари)
Deem (1.4 милијарди долари)
Sogou (1.2 милијарди долари)
MongoDB (1.2 милијарди долари )
Fab (1.2 милијарди долари)
Gilt Groupe (1.1 милијарди долари)
LaShou Group (1.1 милијарди долари )
Nutanix (1 милијарда долари)
Xunlei (1 милијарда долари)
Good Technology (1 милијарда долари)
Pure Storage (1 милијарда долари)
Coupons.com (1 милијарда долари)
Dianping.com (1 милијарда долари)
Evernote (1 милијарда долари)
CloudFlare (1 милијарда долари)
Beats Electronics (1 милијарда долари)
