Прототипот на освежениот „Mercedes CLS“, кој би требало да се најдде во продажба до крајот на 2014-та година, е фотографиран за време на зимските тестови.
На автомобилот од фотографиите со фолија се прекриени само одредени делови на надворешноста, а се очекува токму тие елементи да бидат редизајнирани во однос на актуелната верзија. Станува збор за браниците и предните и задни светлосни групи.
Што се однесува до внатрешноста, промените ќе бидат минимални. „Mercedes“ ќе им понуди на купувачите редизајниран волан и поголем екран за мултимедијалниот „COMAND“ систем.
Сите споменати модификации се однесуваат на купе-лимузината, а исто така и на „CLS Shooting Brake“ и соодветните „AMG“ модели.
Изборот на мотори најверојатно ќе биде ист како и досега, но со можност за воведување на нова 3.0-литарска V6 „bi-turbo“ единица со 333 ks (245 kW) и 480 Nm максимален вртежен момент.
Кога станува збор за „AMG“ верзиите на располагaње е постоечкиот 5.5-литарски V8 со 557 ks (410 kW) и 720 Nm. Во врвот на понудата би требало и натаму да биде „AMG 4MATIC S-Model“ чија погонска единица е зголемена на 585 ks и 800 Nm максимален вртежен момент.
