Авиокомпанијата „American Airlines“ забележа загуба од две милијарди долари во четвртиот квартал, поради високите трошоци за реорганизација.
Да се потсетиме, „American Airlines“ стана број еден во Соединетите Американски Држави, по спојувањето со авиопревозникот „US Airways“.
Како што пренесува Ројтерс, приходите пораснале за 8,7 проценти во овој период, на 10 милијарди долари, благодарение на зголемувањето на цените на билетите.
Поврзувањето со компанијата „US Airways“ за „American Airlines“ беше единствениот начин да излезе од стечајна постапка.
