Ако самите се вклопите во некои од овие типови, шефот ќе ве засака и пред да успеете да кажете колку ја сакате својата работа… Еве кои се тие типови на девојки.
Навивачка
Иако оваа девојка не е најпаметна во канцеларијата, таа прва ќе добие унапредување и подобро работно место. И тоа токму поради тоа што си ја сака компанијата за која работи и отворено им го покажува тоа на сите! Навистина би требало да покажете малку повеќе ентузијазам по прашањето за компанијата и луѓето со кои работите. Преземете ја главната улога на поттикнувач на добра енергија, луѓето тоа го обожаваат!
Жена-мајстор
Времето за извршување на работата опасно се приближува до крајот! Клиентите се напорни и понекогаш и злобни! Таа сфаќа дека поминала еден час, кој го нема, на печатење на потполно погрешни документи! И покрај сето тоа, мирна е како да не се случило ништо. Оваа личност е секогаш смирена и со еднаков ефект влијае на се околу себе. Доколку имате способност да ја решите драмата, смирете ги колегите и вратете им го фокусот на работата, шефот ќе биде пресреќен што ве има! Затоа, следниот пат кога на работа ќе избие драма, длабоко дишете, прегризете го јазикот, смирете се себеси, а потоа и другите! И таквото однесување нека ви премине во навика!
Клон
Овие девојки се сите исти, од фризурите, алиштата и чевлите кои ги носат, дипломата која ја имаат до гласот со кој говорат. Тие сфатиле како треба една деловна жена да изгледа, да звучи и да се однесува, и на тоа се придржуваат. Можеби не се иновативни, креативни и уникатни во постигнувањето на својата цел, но тие својата цел секако ќе ја постигнат. Доколку сакате да бидете сигурни дека на работа ќе успеете, само бидете уште една од нив.