Шерил Сандберг, извршниот директор на „Facebook“ стана милијардерка, откако акциите на оваа најголема социјална мрежа достигнаа нов рекорд (58,51).
Шерил заврши на Харвард во 1995 година. Набрзо потоа се вработи во „Google“, каде стигна до позицијата потпретседател на онлајн продажбата.
На крајот на 2007 година таа за прв пат го запознава Марк Цукерберг и една година подоцна се вработува во „Facebook“.
По излезот на „Facebook“ на берзата во 2012 година, Сандберг има продадено акции во вредност од 300 милиони долари. Во моментов во нејзина сопственост има 12,3 милиони акции, чија вкупна вредност по новиот скок, изнесува 750 милиони долари.
Според листата за милијардери на Блумберг, Сандберг сега е една од најмладите милијардерки во светот.
