Стопанската комора на Македонија за македонските компании организира презентација на најголемата саемска манифестација во Кина „115th China Import and Export Fair – Canton Fair 2014”.
Презентацијата ја организиира во соработка со Амбасадата на НР Кина во Македонија и Кинескиот центар за надворешна трговија со цел да ги запознае компаниите со годинашниот саем, кој е прогласен за „Кинески саем број 1″, кој се одржува на изложбен простор од над 1,1 милион м2 и 55.000 штандови.
Целта на презентацијата во Стопанската комора на Македонија е заинтересираните македонски компании да се запознаат со условите, можностите и бенефитите од посета или настап на саемските манифестации во Гуангжу, кои ја отвораат вратата за промовирање на македонското стопанство не само во провинцијата Гуангдонг, туку и пошироко на пазарите на НР Кина.