Сите понекогаш имаме лош ден, без разлика дали на работа или дома. Таквиот ден предизвикува стрес и лошо расположение. Еве неколку начини како да се изборите со стресот по лошиот ден.
1. Водете дневник
Не мора да пишувате дневник секој ден, туку едноставно запишете го тоа што ви било најдобро во тој ден. Запишете го секој детал и кога подоцна ќе го прочитате обидете се да извлечете поука дека и покрај лошиот ден во него се случило нешто позитивно.
2. Топла купка
По лошиот ден сигурно ќе сакате да се вовлечете во креветот и да спиете. Меѓутоа, пред тоа подгответе си топла купка, која сигурно ќе ве опушти.
3. Зборувајте со некого
Поделете ги своите проблеми со некој кој ќе ве сослуша и ќе ви помогне. Исто така, играта со деца е прекрасен начин да се ослободите од стресот, доколку немате деца тоа може да биде вашиот миленик, тој ќе ви ја подари најголема љубов.
4. Читајте книга
Добрата книга, особено некоја која ќе ви предизвика насмевка, е одличен начин да ги отргнете мислите од проблемите и случувањата во лошиот ден.
5. Згответе си нешто само за себе
Храната секогаш помага кај лошото расположение, а особено онаа која најмногу ја сакате.
