Вкупните кредити во банките во Хрватска на крајот на октомври минатата година изнесуваа 287,4 милијарди круни, околу 38 милијарди евра, што е намалување на месечно и годишно ниво, покажуваат податоците на Хрватската народна банка.
На месечно ниво е забележан пад од 0,9 проценти, додека на годишно ниво е забележан пад од 0,5 проценти.
За намалување на кредитната активност на годишно ниво придонесе првенствено падот на кредити на нефинансиските трговски друштва, како и падот на кредити за населението, јавуваат хрватските медиуми.
Кредитите дадени на државата сеуште бележат раст, кој на годишно ниво изнесува 18,5 проценти.