Во Технолошко индустриската развојна зона во Штип денеска ќе биде отворена новата фабрика на компанијата „Џонсон Контролс“.
Фабриката се простира на површина од 12.000 метри кавдратни, ќе вработува над 1.400 лица, а во неа се инвестирани 20 милиони евра. Ќе произведува автомобилски седишта и навлаки.
На отворањето на фабриката, како што е најавено, ќе присуствуваат претставници на „Џонсон Контролс“, на Владата на Македонија и на Амбасадата на САД.
Ова е втора фабрика на „Џонсон Контролс“ во Македонија. Првата е лоцирана во индустриската зона „Бунарџик“.
„Џонсон контролс“ е светски гигант за производство на опрема за автомобили. Присутна е во 150 држави и има вкупно 154.000 вработени.
