На разговорот за работа треба да бидете брзи и јасни, вашата облека да биде уредна и чиста и да не бидете арогантни.
Работодавците ги оценуваат кандидатите за работа врз основа на тоа што тие го облекле, но и според невербалната комуникација. Три најчести грешки на разговорите за работа се : недостатокот на контакт со очите, несоодветната облека и оставање на впечаток на незаинтересирано лице, наведуваат работодавците во анкетата на „.
Дури и одличните кандидати за работа можат да не добијат шанса доколку не се насмевнат барем еднаш или не остваруваат контакт очи во очи.
Како една од грешките при разговорот за работа, речиси половина од менаџерите во компаниите ја посочуваат ароганцијата. Некои кандидати, според зборовите на работодавците, прават неверојатни испади.
Речиси половина од 2,200 менаџери, кои учествувале во анкетата, велат дека само за пет минути знаат дали кандидатот е соодветна личност за отвореното работно место, додека 87 проценти од менаџерите во рок од 15 минути од првото ракување знаат дали сакаат да ја вработат личноста која се појавила на интервјуто.