Најголемиот светски трговски ланец за електронска стока од широка потрошувачка, американската компанија „Best buy“, забележа пад на приходите во продавниците во САД.
Опадна продажбата на Best Buy
Падот на приходите е забележан во најзначајниот период за рeзултатите од продажбата, во последните девет недели од минатата година.
Групацијата со седиште во Минеаполис во соопштението изјави дека покрај другите проблеми, проблемот бил и во конкуренцијата која имала агресивна промоција, со што резултатите во споменатиот период се разочарувачки, пренесува Ројтерс.
И покрај намалувањето на цените, со што компанијата се обиде да ја спречи промоцијата на ривалите, oсобено на „Wal Mart“ продажбата во продавниците отворени најмалку 14 месеци е намалена за 0,9 проценти на пазарот на САД, а на глобално ниво таа се зголеми за 0,1 проценти.
Приходите од продажбата во истиот период се намалени за 2,6 проценти, на 11,45 милијарди долари.