Францускиот министер за буџет Бернар Казнев најави можност за намалување на даноците во 2016 година.
„Се наоѓаме во преоден период, кој ќе ни овозможи, благодарение на заштедите, да ги намалиме даноците од 2016 година“, изјави Казнев.
Оваа изјава на францускиот министер следеше три дена откако беше одржана конференцијата за новинари на францускиот претседател Франсоа Оланд кој во таа прилика изрази противење за дополнителното зголемување на даноците за француските домаќинства.
Уште од ноември минатата година француската влада расправа за намалување на даноците во 2017 година, по стабилизацијата на даноците и социјалните придонеси.