Компанијата „Samsung Electronics“ го претстави седуминчниот „Galaxy Tab 3 Lite“, кој го комбинира интуитивното искуство на серијата „Galaxy Tab 3“ со потенок пренослив дизајн.
Опремен со подобрени функции и сервиси, „Galaxy Tab 3 Lite“ на корисниците им нуди голем број на различни начини за сликање, гледање, слушање, креирање и разменување на содржини со други.
„Galaxy Tab 3 Lite“ има тенок и лесен дизајн со компактна рамка, поради која може лесно да се носи во една рака.
Големата батерија на уредот од 3.600mAh дополнително ја зголемува преносливоста, па така корисниците можат да уживаат во осум часа пуштање на видео содржини без потреба за полнач.
Екранот од седум инчи има оптимална резолуција која е смислена така што на корисниците ќе им понуди подобро искуство при гледањето.
Менито се наоѓа на рамката на уредот, а не на екранот, со што се зголемува ширината на екранот на моделот „Galaxy Tab 3 Lite“.
„Dual Core“ процесорот на уредот „Galaxy Tab3 Lite“ е од 1.2 Ghz, а им овозможува на корисниците да уживаат во беспрекорното мултимедијално доживување, додека играат игри, гледаат видео снимки или сурфаат на интернет.
Камерата од два мегапиксели која се наоѓа на задната страна ја има функцијата „Smile Shot“, која овозможува автоматско сликање кога ќе детектира насмевка, „Shoot & Share“ овоможува споделување на сликата веднаш по фотографирањето, како и „Panorama Shot“ која овозможува правење комплетна слика со омилените пејсажи.
„Galaxy Tab 3 Lite“ е опремен со популарни сервиси и сервиси за размена кои се дизајнирани така да им помогнат на корисниците да се поврзат, ангажираат и забавуваат.
Меѓу нив е и „Samsung Apps“ која нуди пристап до повеќе од 30.000 апликации, при што голем број се дизајнирани за моделот „Galaxy Tab 3 Lite“, како и „Samsung Link“: зa размена и пуштање на содржини на бројни паметни уреди на било кое место и во било кое време.
