Три странски компании се јавија на обновениот тендер за приватизација на стариот аеродром во близина на Атина, „Елиникон“.
Станува збор за компаниите „Елбит“, „Ламбада Девелопмент“ и „Лондон Регионал Пропертис“, кои преговораат со банките и хеџ фондовите за финансирање на проекти.
Грчката агенција за приватизација ги анализира понудите, но градоначалниците на трите општини во непосредна близина на аеродромот се против, наведувајќи дека приватизацијата на аеродромот ќе доведе до уништување на животната средина. Тие посочуваат дека имаат проект со кој се предвидува на местото на аеродромот да се изгради парк.
Неодамна катарска државна компанија се повлече од тендерот за приватизација на аеродромот „Елиникон“.