Меѓу потенцијалните наследници на Стив Балмер, сегашниот главен извршен директор на „Microsoft“, е извршниот директор на шведската компанија „Ericsson“, Ханс Вестберг.
Како пренесува Ројтерс, не е познато дали Вестбер веќе е контактиран од страна на „Microsoft“ или не.
Претходно шпекулациите говореа за извршениот директор на „Ford Motors Co.“, но тој самиот се тргна од листата на потенцијални кандидати.
Како што претходно се говореше, во потесниот избор беа петмина кандидати, меѓу кои и досегашниот извршен директор на компанијата „Nokia“, Стивен Елоп.
Во игра беа и Тони Бајтс, поранешниот „CEO“ на компанијата „Skype“, сега вработен во „Microsoft“ и Ален Мулели од компанијата „Ford Motor“, како и Сатја Недела, еден од потпретседателите на компанијата „Microsoft“.
Од „Microsoft“ се уште не ги потврдија овие информации, но извор близок до компанијата вели дека не се очекуваат официјални инфромации за именувањето на новиот директор пред крајот на јануари или дури во февруари.
