„Land Rover Defender“ е познат како сигурно теренско возило, но и како некомфорен и непријатен автомобил, со минимално опремена кабина. За тоа да не биде така се погрижи куќата „Carisma Auto Design“, која го редизајнираше овој автомобил така што сега може да ги задоволи и најпребирливите сопственици на луксузни автомобили.
Внатрешноста на овој теренец е модифицирана до непрепознатливост. Покрај удобните кожни седишта, вграден е ладилник, мини бар, специјално осветлување, а целиот ентериер е обложен со лускузен тепих.
Патниците на задните седишта на располагање имаат мултимедијален систем во кој е интегриран компјутер со бежичен интернет и „Bluetooth“ конекција, како и „Bang & Olufsen“ аудио уред. Целата содржина може да се следи на двата големи екрани кои се вградени во задните седишта.
„„Land Rover Defender“ е британска автомобилска икона која е позната по своите теренски способности. Еден ден дојде еден клиент кој од нас бараше возилото да ги задржи возните карактеристики, но истовремено да ужива во амбиент кој го нуди автомобил како што е „Rolls-Roycе““, вели директорот за маркетинг на компанијата „Carisma Auto Design“, Клајв Дрејк.
Резултатот може да го видите на фотографиите.
За реновирање на ентериерот, сопственикот на овој екслузивен „Defender“ морал да плати неверојатни 80.000 фунти (96.000 евра).
