Преставничкиот дом на американскиот Конгрес со огромно мнозинство синоќа го усвои законот за финансирање на активностите на федералната држава во 2014-та година.
Откако ќе биде усвоен и од Сенатот, се очекува со овој закон ќе се стави крај на тригодишната буџетска нестабилност во САД. Законот беше донесен од Претставничкиот дом со 359 гласа „за“, додека 67 конгресмени се изјаснија „против“.
Соддржината на законот предвидува 1,1 билион долари за активностите на државните структури во фискалната 2014-та година, што завршува на 30-ти септември. Кон нив се додаваат уште околу 92 милијарди долари за воени операции во странство, главно за војната во Авганистан, и 6,5 милијарди долари за активностите при евентуални природни катастрофи.
Во оваа сума не се вклучени социјалните трошоци. Сенатот треба да се изјасни по законот до крајот на неделата.
