Прометот во индустријата во ноември 2013-та година, во однос на ноември 2012-та година, бележи пораст од 8,6 отсто. На домашниот пазар бележи пад од 14,8 отсто, а на странските пазари пораст од 204 проценти, објави Државниот завод за статистика.
Гледано по сектори, прометот во индустријата во секторот Рударство и вадење камен бележи опаѓање од 15,5 отсто, а во секторот Преработувачка индустрија пораст од 10,2 отсто.
Според главните индустриски групи, прометот бележи пораст кај Интермедијарни производи, освен енергија за 11,8 отсто и Капитални производи за 36,7 отсто, додека опаѓање бележи кај Енергија за 76,1 отсто, Трајни производи за широка потрошувачка за 20,2 отсто и Нетрајни производи за широка потрошувачка за 4,0 отсто.
Прометот во индустријата во ноември 2013-та година, во однос на октомври 2013-та година, бележи пад од 7,9 отсто, додека во периодот јануари-ноември 2013-та година, во однос на периодот јануари-ноември 2012-та година, има пораст од 6,9 отсто.
