„Ares“ е бесплатен „open source“ програм за размена на фајлови, кој на корисниците им овозможува да вршат размена на дигитални датотеки, како и на аудио и видео содржина, софтвери или документи.
Софтверот „Ares“ во голема мера го олеснува објавувањето на фајлови преку „Peer to Peer“ мрежи, а секој член на виртуелната заедница има можност да пребарува содржини кои се споделени од страна на други корисници. Корисниците на располагање имаат и простор за разговор и за размена на фајлови како и вграден аудио и видео плеер.
Најновата верзија е наречена „ Ares“ 2.2.3 и со себе носи поддршка за „Bit Torrent“ протокол и „SHOUTcast“ радио.
