Европската централна банка ја претстави новата банкнота од 10 евра на која е портретот на феникиската принцеза и божицата на Европа, која ќе биде пуштена во промет на крајот на септември. Вака ќе изгледа таа…
„Новата банкнота од 10 евра ќе биде пуштена во промет на 23 септември“, наведува ЕЦБ, пренесува агенцијата Франс прес.
Како и банкнотата од пет евра лансирана во мај, така и оваа банкнота од 10 евра ќе биде „поотпорна“ на фалсификување, наведува ЕЦБ.
Портретот на божицата на Европа ќе се наоѓа на водениот жиг и холограмот.
Сите нови банкноти од серијата „Европа“ постепено ќе бидат воведувани во текот на неколку години, а постојните банкноти лансирани во јануари 2002 година постепено ќе бидат повлекувани.