13 јуни, 2024
ПочетнаИНТЕРЕСНОБранителот на титулата пресилен за Македонија

Бранителот на титулата пресилен за Македонија

rakomet den-mkd

На својот премиерен настап на 11-то Европско првенство во ракомет, македонската репрезентација вчера загуби од домаќинот и актуелен европски шампион Данска со 29:21.

Проблемите со повредени играчи и заморот од 15-часовното патешествие до Хернинг оставија белег во играта на нашите ракометари кои направија 16 технички грешки и имаа многу слаба реализација со играч повеќе. Фаворизираниот противник ги казнуваше грешките на Македонците и на најдобар начин го искористи домашниот терен и поддршката од 15 илјади навивачи да стигне до првите бодови во А групата.

Македонија лошо започна, а првиот гол го постигна во 9.минута кога намали на 5:1, за неколку минути подоцна негативата да биде уште поголема кога Данците водеа со 9:2. На половина од првиот дел следуваше најдобриот период за избраниците на Ивица Обрван кои со серија од 4:0 намалија на 9:6 и пропуштија неколку напади резултатски уште повеќе да се приближат. На паузата се отиде со плус 4 за домаќинот – 12:8.

Во почетните минути од вториот дел македонските ракометари намалија на три разлика и тука застанаа. Данска засили, во средината на второто полувреме ја врати позитивата од 7 голови (19:12) и оваа разлика ја одржуваше се до пред крајот за да заврши со плус 8. Најефикасен во нашата репрезентација беше капитенот Кирил Лазаров со 7 голови, Никола Стојчевски постигна 3. На голот Борко Ристовски забележа 14 одбрани, од кои и сите три седмерци. Кај Данците Каспер Мортенсен имаше 5 реализации.

На првиот дуел од А групата Австрија убедливо ја совлада Чешка со 30:20.

Табела: Австрија 2 бодови, Данска 2, Македонија 0, Чешка 0.

Средбите од 2.коло од оваа група ќе се играат во вторник, Македонија за противник ќе ја има

Чешка.

НАЈНОВИ ВЕСТИ

ХОРОСКОП