На интернет се појавија првите фотографии и прелиминарни податоци за најмоќната верзија на „Ѕ сlаѕѕ“, со исклучок на нејзините „AMG“ модели.
„Mercedes“ одлучи новиот „S600“ да го претстави на најголемиот северноамерикански саем за автомобили, со оглед дека САД е еден од најважните пазари кога станува збор за овој модел. Сепак пред официјалната премиера која е закажана за 13-ти јануари, „протекоа“ првите информации за овој автомобил.
Неофицијалните податоци покажуваат дека „Mercedes S600“ ќе има 6.0-литарски V12 bi-turbo мотор кој ќе биде во можност да испорача 530 ks (390 kW) и дури 830 Nm максимален вртежен момент.
Според досегашните информации, моторот ќе биде поврзан со седумстепен автоматски „7G-Tronic Plus“ менувач, кој ќе му помогне од 0 дo 100 km/h да забрза за 4.6 секунди, пред да ги достигне максималните,електронски ограничени 250 km/h.
„Mercedes S600“ ќе биде понуден исклучиво во верзија со продолжено меѓуосовниско растојание и ќе биде опремен со сите електронски „играчки“ кои „Mercedes“ ги претстави во новата „S сlasѕ“, како што се системите „Magic Body Control“, „Collision Prevention Assist Plus“, „head-up“ екранот и многу други.
Повеќе фотографии и официјални спецификации можеме да очекуваме по детроитската премиера на овој модел.
