Ауди ги објави првите фотографии од ентериерот на третата генерација на моделот ТТ кој на пазарот ќе се појави во текот на 2014-та година. Главната карактеристика на новиот дизајн на внатрешноста е дигиталната инструмент табла со мултифункционален „TFT“ екран, наместо класичната инструмент табла.
Од Ауди новиот дизајн на кабината на моделот ТТ го опишуваат како, едноставен, спортски и ориентиран според потребите на возачот.
Најзначајна промена во однос на актуелниот модел е внесувањето на големиот 12,3 инчен „TFT“ екран кој го зазема местото на класичната инструмент табла.
Со оглед дека на екранот, покрај податоците за параметрите кои се важни за самото возење, може да се види и навигацијата, како и други содржини и функции на мултимедијалниот систем.
Ауди го задржа својот елегантен и препознатлив стил кој е карактеристичен за нив. Спортскиот волан е обложен со кожа, а на него, како и на централната конзола и вентилациските отвори застапени се украсни детали од алуминиум.
Интересно е решението за командите за клима-уредот кој може да се прилагоди со помош на тркалото на централниот дел на вентилациските отвори.
