Амазон оваа година со сигурност ќе стане ново име во елитната листа на американски компании кои ја надминале границата во приходите од 100 милијарди долари.
Во 2014-та Амазон цели на приход од 100 милијарди долари
На таа листа во 2012-та година беа 20 компании, а од Амазон за 2013-та прогнозираа приходи од 75 милијарди долари, но Џеф Безос за компанијата сега прогнозира уште поголем раст.
Кварталниот раст на приходите на Амазон два пати поред покажува значајно зголемување, а покрај од клучните активности во е-трговијата, компанијата остварува се повеќе приходи од „клауд хостинг“ за компаниите и владите ширум светот.
Иако се во трката за дел од колачот и Мајкрософт и Гугл, аналитичарите велат дека тие не се ни близу до тоа што моментално го прави Амазон.
Приходите од тој сектор во четвртиот квартал од 2013-та година пораснаа во однос на истиот период од 2012-та за 145 проценти, а оваа година тие би требало да изнесуваат меѓу шест и десет милијарди долари.
Што се однесува до продажбата, се очекува само таа да ја пробие границата од 100 милијарди долари, затоа што во последниот квартал прикажаа нов раст и вкупен приход од 26.5 милијарди долари.