Акциите на италијанскиот производител на автомобили Фиат се зголемија за повеќе од 15 проценти по објавата дека компанијата планира да го откупи преостанатиот удел од 41 проценти во Крајслер.
Фиат има мнозински удел во американскиот Крајслер од 2009 година.
Со ова купување ќе биде формирана седмата по големина автомобилска компанија во светот.
Фиат вчера објави дека ќе го откупи уделот од 41,5 проценти кој е во сопственост на амриканското Здружение на синдикати на автомобилските работници за 3,65 милијарди долари. Договорот треба да биде потпишан до 20 јануари.
Извршниот директор на Фиат, Серџо Маркионе изјави дека планира да го прошири глобалниот удел на компанијата, и дека овој договор е еден од моментите кои го дефинираат животот и кој ќе биде запишан во историјата.
Фиат има вкупно 215.000 вработени, од кои една третина работат во Италија.
