Растот на индустриското производство во Кина на крајот на годината би можел да достигне 9,8 проценти, вели министерот за индустрија и информатичка технологија Миао Веи.
Во ноември овој индикатор беше зголемен за 10 проценти на годишно ниво, покажаа податоците на Државната агенција за статистика во Кина.
Во периодот од јануари до ноември индустриското производство е зголемено за 9,7 проценти во однос на истиот период минатата година.
Според прогнозата на Комисијата за национален развој и реформи, кинескиот бруто домашен производ во наредната година ќе се зголеми на 7,6 проценти, пренесува агенцијата Франс прес.
