На 31-ви декември вечерта во секој град во светот ќе има одлична забава. Насекаде ќе има огномет, музика и атракции. За оние од вас кои ќе одлучат во странство да заминат за новогодишната ноќ, погледнете кои се градови со „жешки“ забави за Нова година.
Берлин
Во Берлин секоја вечер има каде да се оди и што да се види. Покрај студот, на 31-ви декември пред Брандербуршката порта се собираат 1 милион луѓе, каде го гледаат огнометот и ласерско шоу. Забавата на отворено вклучува платформи за диџеи, танцување и винески валцер.
Кејп Таун
Можете да го гледате огнометот од Тејбл планината. Останете за карневалот „Tweede Nuwe Jaar“ на 2-ри јануари, кој личи на „Mardi Gras“.
Дубаи
Во Дубаи пречекот на Новата година е како и се друго – чудесно. Огномет се пушта од највисоката зграда во светот – Бурџ Калифа. Во секој луксузен хотел има екстравагантно забава.
Единбург
Во цела Шкотска се слави со забави на отворено со огнови и концерти. Во Единбург тие почнуваат уште од 30-ти декември. Во замокот Единбург се собираат околу 80.000 луѓе. Има диџеј забава и барови.
Гоа
Егзотична Нова Година може да пречекате во Индија со танцување, јога и спа третмани на плажа. На 31-ви декември вечерта има диџеј транс забава под палмите.
Хонгконг
Кинезите го измислиле огнометот и се разбира на 31-ви декември ќе има многу од нив. На Нова година има и 10-минутно ласерско шоу. Таа започнува од пристаништето Викторија и поминува низ 40 облакодери. Ако не ви пречи огромната толпа – одете на Тајмс Сквер ( да , како во Њујорк ), каде што има часовник на кој се одбројуваат последните минути или во некој од бројните барови во реонот на „Lan Kwai Fong“.
Хонолулу
Географската положба на Хонолулу е таква и тука Новата година ќе дојде последна. ВИП забава се организира во „Trump International“, во „Royal Hawaiian“ секоја година има розова забава. Во „Modern“ има тематска забава посветено на 20-тите години на минатиот век, каде целосниот пакет чини 114.000 долари и вклучува превоз со авион, 4 ноќевања, спа, лимузина и пловење со јахта.
Лас Вегас
Неможе да не се Лас Вегас. Оваа година огномет ќе има на „MGM Grand“, „Planet Hollywood“, „The Venetian“, „Stratosphere“ и уште неколку други луксузни хотели. Прочуената улица „Strip“ ќе биде затворена за автомобили. Бруно Марс ќе има концерт во „The Cosmopolitan“, а во „Caesar’s Palace“ ќе пее Селин Дион.
Лондон
Биг Бен ќе го означи стартот на огнометот. Се очекува околу четвртина милион луѓе да се најдат на улица. Ќе има 45-минутна забава со диџеј. Имајте на ум дека за дискотеките и пабовите ќе треба претходна резервација. На 1-ви јануари во Лондон има парада со околу 10.000 учесници.
Њујорк
Тајмс Сквер е прочуено место за дочек на Нова година. Околу него ќе има околу 1 милион луѓе во новогодишната ноќ! Резервација за забавата во „Marriott Marquis“ стартува од 950 долари по човек.
Рејкјавик
Рејкјавик е познат по ноќниот живот. Тука нема официјално организирана новогодишна забава, таа се случува спонтано. Локалните луѓе традиционално го гледаат новогодишната ток-шоу на телевизија и околу 11:35 излегуваат на улица, каде што се истрелуваат околу 500 тони огномет. По полноќ во сите клубови има забава до зори.
Рио де Жанеиро
Облечете се во бело – тоа е традиција. На нова година се фрлаат цвеќиња. Забавите се на плажа, а сите се подготвени за ноќно капење.
Сиднеј
Тука исто така е лето и Нова Година се дочекува на плажа. Минатата година на забавата пееше Кајли Миног. На пристаништето во Сиднеј ќе се соберат околу 1 милион луѓе. Освен огнометот има шоу на акробати, светлосно шоу и регата.
Торонто
Околу 40.000 луѓе се собираат на плоштадот Нејтан Филипс. Го гледаат огномет од брегот на езерото Онтарио. Вистинска церемонија е на час и половина пат од Торонто – на Нијагарините водопади. Таму ќе има забава, посетена од околу 60.000 луѓе. Меѓу изведувачите ќе биде Деми Ловато.
