Сиромаштијата во Италија го достигна највисокото ниво во изминатите 16 години, соопшти италијанската Канцеларија за статистика Истат.
Статистиката покажува дека 12,7 проценти од италијанските семејства, спаѓаат во категоријата релативно сиромашни, што подразбира дека едно двочлено семејство живее со месечни приходи од 992 евра или помалку.
Во извештајот се наведува дека сиромаштијата е зголемена во сите делови на Италија во периодот од 2011 до 2012 година.
Релативната сиромаштија е зголемена од 4,9 проценти на 6,2 проценти во богатиот северен дел на Италија и од 23,3 проценти на 26,2 проценти во посиромашниот јужен дел на Италија.
