Компанијата Неузер Кфт, еден од најголемите производители на велосипеди во Унгарија, ќе ги прошири капацитетите во фабриката во Естергом, 50 км од Будимпешта.
Инвестицијата од 110 милиони форинти (379.000 евра) од кои 40 милиони (138.000 евра) потекнува од европските фондови и државниот буџет, наменета за проширување на дејноста со воведување на нова линија на производи и модернизација на алати, пренесува француската агенција Ибифранс, повикувајќи се на унгарскиот печат.
Неузер е водечка фабрика за производство на велосипеди во Унгарија. Фирмата произведува планински велосипеди, велосипеди за патека, тркачки велосипеди, BMXs, детски велосипеди и др. Компанијата извезува 50% од своите производи.
