„American Express“ на финансиската регулаторна агенција во САД ќе и плати 76 милиони долари казна поради измама на клиeнти и неовластена продажба на дополнителни услуги.
Од оваа сума „American Express“ 16,2 милиони казна ќе уплати на сметките на неколку регулаторни агенции, од кој најголем дел на Федералната агенција за осигурување на депозитите (ФАОД) и на Бирото за финансиска заштита на потрошувачите, пренесува швајцарскиот весник „20 минути“.
Оваа мултинационална финансиска компанија ќе плати оштета за 335,000 клиенти во износ од 59,5 милиони долари, поради измама и нефер маркетинг кампања, се прецизира во соопштението на ФАОД.
Од „American Express“ веќе потврдија дека поголем дел од сумата е исплатена.
