Компаниите „Simpo“ и „Ikea“ ќе го зголемат обемот на соработка во 2014-та година, а ова беше договорено на состанокот меѓу претседателот на компанијата од Врање, Драган Томиќ и претставниците на шведскиот гигант.
Томиќ ги запознал претставниците на „Ikeа“ со промените во „Simpо“ по постигнување на договорот со Владата на Србија за конверзија на обврските на компанијата во капитал на државата, која по финализирањето на тој процес ќе стане мнозински сопственик на таа компанија.
Претставниците на „Ikeа“ го информирале Томиќ за состојбата на изградбата на својот центар во регионот и според претходниот договор, компанијата „Simpo“ ќе биде снабдувач на центарот на „Ikeа“ на просторот на југоисточна Европа.
