Приходите во државниот буџет на Русија за 2013 година би требало да изнесуваат 12,9 милијарди рубљи (285 милијарди евра), а расходите 13,3 милијарди рубљи (295 милијарди евра).
На тој начин, според министерот за финансии Антон Силуанов, планиран е дефицит од околу 400 милијарди рубљи, што е од 0,5 до 0,6 проценти од бруто домашниот производ (БДП), пренесува Интерфакс.
Министерот, исто така, додаде дека дефицитот надвор од полето на нафтата и гасот ќе остане над 10 проценти или 10,2 проценти од БДП.
Сепак, тој е малку помал во споредба со претходната година кога изнесуваше 10,4 проценти од БДП.
Силуанов изјави дека задржувањето на тој дефицит во долгорочна перспектива создал нестабилна ситуација со буџетот и затоа е планирано тој да се намали на 9,4 проценти во 2014 година, а на 8,4 проценти од БДП во 2016 година.
За периодот јануари-ноември, според податоците на Министерството за финансии, буџетот е реализиран со суфицит од речиси 600 милијарди рубљи или еден процент од БДП.
