Според регионалната ранг листа на брендови за широка потрошувачка која ја изработи агенцијата „Valicon“, првите две места го завземаат глобално познатите брендови Milka и Coca-Cola, но веднаш зад нив се наоѓа и Vegeta.
„Velicon“ е една од водечките агенции за пазарно советување и истражување на компаниите во југоисточна Европа чие седиште е во Љубљана.
Зад водечката тројка следат Argeta, Cedevita и Cockta, кои се во сопственост на „Atlantic“ групацијата на познатиот хрватски претприемач Емил Тедески.
Потоа следат гумите за џвакање Orbit, кремата Nivea, Smoki, соковите Fructal, Paloma, Nescafe, Plazma, Aquafresh, Jaffa, Fanta, Dorina, Lenor, Pepsi, Kiki, Cipsi, Nitella, Ariel, Podravka и Dukat.
Меѓу најпопуларните брендови во регионот преовладуваат поранешните југословенски брендови, а најзастапените шест се: Vegeta, Argeta, Cedevita, Cockta, Smoki и Fructal, се наведува во соопштението.
Моќта на брендовите е одредена врз основа на препознатливоста, искуството и користењето на брендот.