Американската компанија за електроника „Apple“ го потпишаа долгоочекуваниот договор со кинеската компанија „China Mobile“ за доведување на „iPhone“ на кинескиот пазар, на кој најчесто доминираат поевтините „Android“ смартфони.
Овој договор ќе му овозможи на „Apple“да влезе на огромниот кинески пазар и да пристапи на околу 760-те милиони претплатници на „China Mobile“, кои во моментов се подготвуваат за воведување на четвртата генерација на телекомуникациски мрежи (4G).
Според потпишаниот договор, „iPhone 5Ѕ“ и „iPhone 5С“ од 17-ти јануари ќе бидат достапни во филијалите на „China Mobile“ и во продавниците на „Apple“, ширум Кина.
Сепак во соопштението од „Apple“ не ја прецизираа цената на уредите.
„Ние знаеме дека постојат многу клиенти на „China Mobile“ и потенцијални купувачи кои со нетрпение ја очекуваат извонредната комбинација на „iPhone“ и водечката кинеска мрежа „China Mobile““, вели Извршниот директор на кинеската компанија, Сји Гуохуа.
Според зборовите на Ивршниот директор на „Apple“, Тим Кук, Кина е многу важен пазар за оваа компанија.
Кинеските корисници го поздравија поврзувањето на овие два гиганти, додека аналитичарите предупредуваат дека овој договор ќе зависи од квалитетот на 4G мрежата на „China Mobile“.
