Меѓународниот монетарен фонд (ММФ) му исплати денес нова транша заем на Кипар во износ од 83,5 милиони евра.
Овие средства од ММФ се дел од 10-те милијарди евра вреден пакет на помош кој таа институција и Европската унија му го доделија на Кипар за закрепнување од лошата економија, пренесува Франс Прес.
Како што се наведува во соопштението на ММФ, Кипар добил нова рата, откако извршниот одбор на фондот направил втора ревизија на напредокот на Кипар во спроведувањето на економските реформи.