Компанијата „Apple“ за прв пат на американскиот пазар, стана прв произведувач на мобилни телефони.
Со оглед на конкурентната компанија „Samsung“ која е најјак произведувач на глобално ниво, оваа победа на американската териоторија е исклучително важна за „Apple“. Компанијата „Apple“ продаде 17,7 милиони мобилни телефони во САД во текот на четвртиот квартал, што е за 38 отсто повеќе во однос на изминатата година, според податоците на „Strategy Analytics“.
Тоа на „Apple“ му донесе 34 отсто удел на пазарот. „Samsung“ пак продаде 16,8 милиони уреди и освои 32 отсто на пазарот. Вкупната испорака се зголемила за четири отсто и достигнала бројка од 52 милиони испорачани мобилни телефони.
За нивниот успех е заслужен целиот екосистем кој го создаде Apple околу iPhone и App Store како и субвенциите и моќниот маркетинг околу најновиот модел „iPhone 5“, вели аналитичарот Нил Мостон.
„Apple“ исто така добро калкулирал и со промовирање на нов модел секоја година со што ја одржал побарувачката на високо ниво. „LG“ е трет произведувач на американскиот пазар, со удел од девет отсто. Глобалната испорака на таблети преминала 50 милиони во четвртото тромесечие од минатата година.
„Apple“ со „iPаd“ и понатаму доминира на пазарот со удел од 43,6 отсто според податоците на „IDC“. На второ место „Samsung“ е со удел од 15,1 отсто.