Познатиот сладок крем „Nutella“, од италијанскиот производител „Ferrero“, се произведува на пет континенти од состојки кои потекнуваат од целиот свет.
Поради тоа „Nutella“ е правиот симбол на глобализацијата, се наведува во неодамнешното истражување на ОЕЦД, кое беше наменето за индустриските брендови.
Често оспорувана, но и редовно имитирана „Nutella“ е правиот претседател на производите кои го освоија овој свет.
Во истражувањето се наведува дека годишно околу 250.000 тони од овој сладок крем се произведуваат во девет фабрики во светот: пет во Европа (Франција, Германија, Полска и две во Италија), една во Русија, една во Канада, две во Јужна Америка (Бразил и Аргентина) и една во Австралија.
Сите производни центри користат суровини од различни делови во светот: лешник од Турција, палмино масло од Малезија, какао од Нигерија, шекер од Бразил и Франција, ванила од Кина и Франција, па дури и обезмастено млеко кое се произведува во земјите во кои се сместени сите фабрики.
Дистрибуцијата се врши по пат на 75 продажни објекти во целиот свет, а главните центри за дистрибуција се во Европа, Северна и Јужна Америка и Океанија.
Во Азија не постои ниту една дабрика на „Nutella“, затоа што овој сладок крем не е популарен на овој континент, се вели во истражувањето. Наместо тоа, овде е баран другиот бренд на „Ferrero“ – „Rocher“, кој се произведува во една фабрика во Индија.
