По редизајнот во 2012-та, „BMW“ за во 2014-та година повторно ќе го освежи својот најмал кросовер.
„BMW“ на моделот за 2014-та ќе воведе дневни светла како стандарден дел од опремата, додека на купувачите како опција ќе им бидат достапни и ново дизајнирани 17 инчни алуминиумски бандажи.
Во понудата ќе бидат и пакетите „xLine“, „Sport Line“ и „M Sport“, со нов мек материјал со кој е обложена инструмент таблата, како и прагот на багажникот кој е изработен од нерѓосувачки челик.
Украсните детали во ентериерот се достапни во три ниво на завршна обработка – во црна, мат црвена и хромирана.
Покрај тоа, „BMW“ на редизајнираниот модел го прошири и спектарот на функции и содржини на системот „ConnectedDrive“.
Освежениот „X1“ ќе има премиера на авто-саемот во Детроит кој ќе се одржи во јануари 2014-та година.