Министерот за труд и социјална политика Диме Спасов и евроамбасадорот Аиво Орав денеска ќе се обратат на свеченото доделување дипломи по повод завршувањето на Интегрираната програма за развој на компетнеции за вработување на 240 слушателки.
Интегрираната програма се спроведува во рамки на проектот Зголемување на потенцијалите за вработување кај жените од етничките малцинства на пазарот на трудот во кој учествуваа 240 жени на возраст до 35 години од Тетово, Гостивар, Струга и Скопје.
Тие имаа можност преку обуката за вработување и самовработување, обуката за компјутерски вештини и вокациски обуки, како и преку соодветни пракси во локални компании да се стекнат со потребните компетенции за вработување и активно да учествуваат на пазарот на трудот.
