Акционерското друштво за изградба и стопанисување со станбен и со деловен простор во државна сопственост од 16 декември до 31 јануари ќе реализира проект „Отворен ден со граѓаните“.
Ги повикува граѓаните на средби да се информираат за сите прашања поврзани со работењето на подружниците, а на кои ќе присуствува директорот Цветко Грозданов.
На 16 декември ќе се одржат средби со граѓани во Охрид и Струга, на 20. во Битола и Ресен, на 23. во Прилеп, на 27 во Кичево, а на 30 декември во Тетово. На 10 јануари се планирани средби во Велес, на 17. во Кавадарци, на 20. во Струмица и Гевгелија, на 24. во Штип и во Кочани, на 27 во Куманово и на 31 јануари во Скопје.
