Компанијата „Asus“ пријави приход од 1.6 милијарди долари за месец ноември, што е рекорд за овој тајвански технолошки гигант.
Во исто време, ова е зголемување од 18,73 проценти во однос на октомври, а исто така и раст од 2,46 проценти во однос на истиот месец од минатата година. Со овие резултати компанијата во првите 11 месеци од оваа година забележа раст во приходите во однос на 2012-та за околку три проценти.
Од компанијата соопштија дека ноемврискиот приход е остварен благодарејќи на зголемената продажба на „Transformer Book T100“, 10,1-инчниот „tablet“/„notebook“, како и зголемената испорака на лаптопи во Латинска Америка и Кина.