Раководството на Челзи нема да го продолжи договорот со камерунскиот фудбалер Самуел Ето. Менаџерот на тимот Жозе Мурињо го доведе во изминатото лето од Анжи Махачкала. Договорот на камерунскиот напаѓач е за една година и истекува на крајот на сезоната, па така тој ќе стане слободен играч.
„Специјалниот“ го вклучи Ето во тимот со идејата да стане лидер на нападот на „сините“. Уште повеќе тој добро ги знае квалитетите на напаѓачот од заедничкиот престој во италијанскиот Интер, кога ја освоија Лигата на Шампионите.
Но, презентацијата на Ето во Челзи е прилично разочарувачка и логично е тој да си замине од „Стемфорд Бриџ“ на крајот на сезоната. За досегашниот престој тој има 4 погодоци за „сините“ и 5 асистенции.
Најверојатно Камерунецот ќе ја продолжи кариерата во САД. Меѓу главните претенденти за неговиот потпис се Лос Анџелес Галакси , ДС Јунајтед и Чивас.