Економската криза во Италија ја намали куповната моќ на 69 проценти од домаќинствата и предизвика голем број на млади луѓе да ја напуштат земјата, покажува истражувањето на „Censis“.
„Околу 69 проценти од семејствата укажале на намалување и на влошување на својата куповна моќ“, се наведува во извештајот, во кој учествуваа 1.200 домаќинства ширум Италија, пренесува Франс прес.
Според резултатите на истражувањето, 53 проценти од испитаниците навеле дека ги намалиле патувањата со автомобил или скутер за да заштедат на гориво, 68 проценти од нив ги намалиле трошоците за во кино и разни видови на забава, додека 45 проценти од испитаниците сега помалку трошат на ресторани.
Во јужниот дел на Италија, приходите по глава на жител се помали отколку во Грција или Шпанија, соопшти „Censis“.
Бруто домашниот производ по глава на жител на југот изнесува 17.957 евра годишно, што е малку на половина од БДП по глава на жител во централниот и северниот дел од земјата.
Според проценката на „Censis“, 50.000 во 2002 година ја напуштиле Италија, а минатата година таа бројка скокнала на 106.000 луѓе, што е пораст од 115 проценти во период од десет години.
Коментари